प्राणी दत्तक शुल्क

• वैयक्तिक
• कुटुंब
• दोन प्राणी
• संपूर्ण संलग्नक

प्राणी दत्तक योजना नियम व अटी

योजनेच्या सुरळीत कामकाजासाठी अटी व शर्ती लागू केले आहेत. या नियमात काय केले पाहिजे आणि काय करू नये हे स्पष्टपणे नमूद केले असून दत्तक घेणार्‍यांनी याचा पूर्णपणे पालन केले पाहिजे. प्राणीसंग्रहालयातून कोणताही प्राणी दत्तक घेण्यापूर्वी, त्याचे नियम व अटी पूर्णतः तपासणे आणि समजून घेणे महत्त्वाचे आहे.

1. कोणताही व्यक्ति, अथवा संस्था, अथवा उद्योग समुह प्राणीसंग्रहालयातील सर्व प्राण्यांचे एक दिवसांचे खाद्य प्रायोजित करू शकतो.
2. कोणताही व्यक्ती, अथवा संस्था वाघ, बिबट, हत्ती, अस्वल या प्रजातीतील प्राण्याला त्याच्या नावानुसार १, २, ३ व ६ महिने किंवा १ वर्ष या कालावधीकरिता दत्तक घेवू शकतो.
3. कोणताही व्यक्ती अथवा संस्था या योजनेअंतर्गत नमूद केलेले समुहात राहणारे प्राणी कुटुंबप्रमुख व त्यांचे कुटुंबातील ४ सदस्य यांना एकत्रितपणे ( १ नर + ४ सदस्य) त्यांचे कुटुंब प्रमुखाचे नावानुसार १, २, ३, ६ महिने किंवा १ वर्षे या कालावधीकरिता दत्तक घेवू शकतात.
4. कोणताही व्यक्ती, संस्था अथवा उद्योग समुह वाघ, बिबट, हत्ती, अस्वल या प्रजातीतील प्राण्यांची जोडी त्यांचे नावानुसार १, २, ३ व ५ वर्षे या कालावधीकरिता दत्तक घेवू शकतात.
5. कोणताही व्यक्ती, संस्था अथवा उद्योग समुह कोणत्याही तृणभक्षी प्राणी, पक्षी अथवा सरपटणाऱ्या प्राण्याचा संपूर्ण खंदक १, २, ३ व ५ वर्षे या कालावधीकरिता दत्तक घेवू शकतात.
6. प्रायोजकाला प्राणी दत्तक योजनेचा निधी सुविधेनुसार रेखांकित चेक/ बैंकर्स चेक / ड्राफ्ट व्दारे महापालिका आयुक्त, पुणे मनपा या नावे एकत्रित अदा करणे आवश्यक आहे.
7. या योजनेअंतर्गत प्राप्त रक्कमेचा उपयोग दत्तक घेतलेल्या प्राण्यांकरिता पोषक अन्नपुरवठा, वैद्यकिय उपचार व योग्य काळजी घेण्यासाठी केला जाईल.
8. दत्तक घेतलेल्या प्राण्यास पाहण्यासाठी प्रायोजकाला विशेष प्रवेशपत्र दिले जाईल.
9. प्राणीसंग्रहालयाचे इतर सर्व नियम प्राणी दत्तक योजनेच्या प्रायोजकाला बंधनकारक असतील.
10. प्रायोजककर्त्यास प्राणीसंग्रहालयातील केंद्रिय प्राणीसंग्रहालय प्राधिकरण यांचे नियमानुसार प्राणीसंग्रहालयातील कोणत्याही प्राण्यास स्पर्श करणे, हाताळणे, प्राण्यांसोबत खेळण्यास अथवा प्राण्यांचे पिंजऱ्याचे आत प्रवेश करण्यास परवानगी दिली जाणार नाही.
11. दत्तक घेतलेल्या प्राण्यांची देखभाल व व्यवस्था प्राणीसंग्रहालयातच प्राणीसंग्रहालयाच्या कर्मचाऱ्यांद्वारे केली जाईल.
12. वन्यप्राण्यांना दत्तक घेतल्यानंतर प्रायोजकाला त्या प्राण्यावर मालकी हक्क दाखविता येणार नाही तसेच त्या प्राण्याला प्राणीसंग्रहालयाच्या बाहेर घेवून जाण्यास परवानगी नाही.
13. दत्तक घेतल्या गेलेल्या अथवा अन्य कोणत्याही प्राण्यास कोणत्याही प्रकारचे अन्नपदार्थ खाऊ घालण्याची अथवा ठरवून दिलेल्या आहारामध्ये कोणताही बदल करण्याची परवानगी प्रायोजकाला दिली जाणार नाही.
14. एकदा दत्तक घेतलेला प्राणी आजारी झाल्यास प्रायोजकास प्राण्यांच्या उपचारादरम्यान दखल देण्याचा अधिकार नाही. दत्तक घेतल्या गेलेल्या प्राण्याची काळजी प्राणीसंग्रहालयातच तज्ञांच्या मार्गदर्शनाखाली घेण्यात येईल.
15. प्रायोजककर्ता प्राणीसंग्रहालयाच्या व्यवस्थापनेत कोणत्याही प्रकारची दखल देण्याचा कोणताही अधिकार नाही.
16. प्राणी दत्तक घेण्यासाठी प्रायोजक्ता देण्याचे अधिकार उपलब्धतेनुसार प्राणीसंग्रहालय प्रशासनाकडे असतील.
17. जर प्रायोजककर्त्याने ठरवून दिलेल्या नियम व अटींचे उल्लंघन केले तर दिलेला निधी परत न करता प्रायोजक्ता रद्द करण्याचा संपूर्ण अधिकार महापालिका आयुक्त पुणे मनपा यांसकडे राहील.
18. या योजने अंतर्गत संबोधित केलेले फायदे उपलब्धतेनुसार प्रायोजककर्त्यास देण्यात येतील.
19. या योजने अंतर्गत काही कायदेशीर बाबी निर्माण झाल्यास त्याबाबतचा निर्वाळा पुणे शहर हद्दीतील मा. न्यायालयात केली जाईल.